ნიკა ჩერქეზიშვილი - რჩება შთაბეჭდილება, რომ მერიის განცხადება, სხვა ყველაფერთან ერთად, თავად კახა კალაძის მიერ ცხოველთა უფლებადამცველების მისამართით გაკეთებული განცხადების განეიტრალების მცდელობაცაა
რჩება შთაბეჭდილება, რომ მერიის განცხადება, სხვა ყველაფერთან ერთად, თავად კახა კალაძის მიერ
რჩება შთაბეჭდილება, რომ მერიის განცხადება, სხვა ყველაფერთან ერთად, თავად კახა კალაძის მიერ ცხოველთა უფლებადამცველების მისამართით გაკეთებული განცხადების განეიტრალების მცდელობაცაა. მაშინ, როდესაც მერი რამდენიმე ადამიანის „დაძინებაზე“ საუბრობს, მერიის მხრიდან თანამშრომლების მიმართ მუქარის დაგმობა საზოგადოებაში ბუნებრივად აჩენს კითხვას - რატომ არ ვრცელდება პასუხისმგებლობის იგივე სტანდარტი თავად მერზეც? - ამის შესახებ „ძლიერი საქართველო - ლელოს“ თბილისის საკრებულოს წევრი, ნიკა ჩერქეზიშვილი წერს, რითაც ეხმაურება თბილისის მერიის განცხადებას, რომ „ე.წ. ცხოველთა დამცველები დაკავებულები არიან დესტრუქციული ქმედებებით“.
როგორც ნიკა ჩერქეზიშვილი აღნიშნავს, პრობლემა ისაა, რომ ამით [მერია] ცდილობს მიუსაფარ ცხოველთა შესაძლო არასათანადო მოპყრობის შესახებ არსებითი კითხვები უკანა პლანზე გადაიტანოს.
„ანგარიში თბილისელებს: მიუსაფარ ცხოველებთან დაკავშირებული საგა გრძელდება. იმ ფონზე, როცა უმძიმესია თავად ცხოველების მდგომარეობა, თბილისის მერიის გაუთავებელი განმარტებები შექმნილ ვითარებას ვერც ცვლის და ვერც მთავარ კითხვებს პასუხობს.
მერიისგან საჭიროა არა საკუთარი უდანაშაულობის წინასწარი დეკლარირება, არამედ სრული გამჭვირვალობა და ყველა კითხვაზე ამომწურავი პასუხი.
რჩება შთაბეჭდილება, რომ მერიის ეს განცხადება, სხვა ყველაფერთან ერთად, თავად კახა კალაძის მიერ ცხოველთა უფლებადამცველების მისამართით გაკეთებული განცხადების განეიტრალების მცდელობაცაა. მაშინ, როდესაც მერი რამდენიმე ადამიანის „დაძინებაზე“ საუბრობს, მერიის მხრიდან თანამშრომლების მიმართ მუქარის დაგმობა საზოგადოებაში ბუნებრივად აჩენს კითხვას - რატომ არ ვრცელდება პასუხისმგებლობის იგივე სტანდარტი თავად მერზეც?
გასაგებია, რომ მერიის ეს განცხადება, არსებითად, საკუთარი პოზიციის დაცვისა და გამართლების მცდელობაა. გასაგებია ისიც, რომ მერია თანამშრომლების მიმართ მუქარასა და შესაძლო უკანონო ქმედებებს გმობს - ამას სრულიად სამართლიანად უნდა აკეთებდეს.
პრობლემა სხვაგან არის. პრობლემა ისაა, რომ ამით ცდილობს მიუსაფარ ცხოველთა შესაძლო არასათანადო მოპყრობის შესახებ არსებითი კითხვები უკანა პლანზე გადაიტანოს.
თუ მართლაც აქვს ადგილი ცხოველთა მონიტორინგის სააგენტოს თანამშრომლებისა და მათი ოჯახის წევრების მიმართ მუქარას, ფოტოების გავრცელებას, შეურაცხყოფასა და დაშინებას, ეს მიუღებელია და შესაბამისი რეაგირება აუცილებელია. ცხოველთა უფლებების დაცვა არავის აძლევს ადამიანების უფლებების დარღვევის უფლებას.
ამასთან, მუქარისა და დაშინების წინააღმდეგ ერთიანი სტანდარტი ყველასთვის უნდა მოქმედებდეს, მათ შორის თავად თბილისის მერისთვისაც.
მერიის განცხადებებს რაკურსი სხვა მხარეს მიაქვს.
მიმაჩნია, რომ ამ პროცესში მთავარი უნდა იყოს მიუსაფარი ცხოველების ინტერესები, ფაქტების დადგენა და პასუხისმგებლობის განსაზღვრა.
არცერთი მხარე არ უნდა იდგეს კანონზე მაღლა. არცერთი უწყება არ უნდა იყოს გათავისუფლებული საზოგადოებრივი კონტროლისგან. ამ საქმეში სიმართლე უნდა დადგინდეს, სრულად და არა შერჩევითად. საზოგადოებისთვის ეს არ არის კონფლიქტი მერიის თანამშრომლებსა და ცხოველთა დამცველებს შორის. ეს არის საკითხი, რომლის ცენტრშიც მიუსაფარი ცხოველების უფლებები დგას.
და პირველ რიგში, უნდა დავიცვათ ისინი, ვის გამოც ეს ყველაფერი დაიწყო - მიუსაფარი ცხოველები!
P.S. მე, როგორც თბილისის საკრებულოს წევრი, ჩემი პოლიტიკური და ინსტიტუციური პასუხისმგებლობიდან გამომდინარე (ადამიანურ და მორალურ პასუხისმგებლობაზე აღარ ვსაუბრობ, ეს ყველა თბილისელს და საქართველოს ყველა მოქალაქეს ეხება), ჩემი შესაძლებლობებისა და კომპეტენციის ფარგლებში ვაკეთებ ყველაფერს, რომ ეს საკითხი არ დარჩეს აქტიური დღის წესრიგის მიღმა. უკვე გაგზავნილი მაქვს ოფიციალური მიმართვები, როგორც თბილისის მერიასა და ცხოველთა მონიტორინგის სააგენტოში, ისე საქართველოს გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტში, ასევე გარემოს ეროვნულ სააგენტოსა და სურსათის ეროვნული სააგენტოს თბილისის სამმართველოში. ვითხოვ დეტალურ ინფორმაციას მომხდარზე, რა კადრებიც გავრცელდა ტელეკომპანია „პირველის“ და ცხოველთა უფლებადამცველების მხრიდან.
რა თქმა უნდა, ვაკეთებ საჯარო განცხადებებს და შეძლებისდაგვარად ვესწრები ყველა იმ აქციას, რომელიც ორგანიზდება ამ თემის გარშემო და ორიენტირებულია ცხოველთა უფლებების დაცვაზე“, - წერს ნიკა ჩერქეზიშვილი.
შეგახსენებთ, თბილისის მერიამ გაავრცელა განცხადება, სადაც ცხოველთა დამცველებთან მიმართებით შესაბამის ორგანოებს რეაგირებისკენ მოუწოდა. კერძოდ, როგორც მერიის მიერ გავრცელებულ განცხადებაში წერია, „რამდენიმე დღეა არ ცხრება მუქარის შემცველი მოწოდებები და ბულინგი მუნიციპალიტეტის თანამშრომლების მისამართით, რომლებიც კეთილსინდისიერად ასრულებენ თავიან მოვალეობას და ემსახურებიან დედაქალაქს“.
„პოლიტიკურად ანგაჟირებული ჯგუფები სოციალურ ქსელებში აქვეყნებენ მონიტორინგის წარმომადგენელთა ფოტოებს, უწოდებენ მათ მკვლელებს, მწამებლებს, ცხოველთა ცოცხლად დამმარხველებს და ემუქრებიან, არა მხოლოდ მათ, არამედ მათი ოჯახის წევრებსაც.
ე.წ. ცხოველთა დამცველები, რომელთაც არც ცხოველების და მით უმეტეს არც მოქალაქეების უფლებების დაცვასთან რეალურად არაფერი აკავშირებთ, დაკავებულები არიან დესტრუქციული ქმედებებით
მოვუწოდებთ შესაბამის ორგანოებს, შეისწავლონ აღნიშნული საქმე და მისცენ მას სამართლებრივი რეაგირება“, - წერია განცხადებაში.
SAY.GE · ჩერქეზიშვილი (გვარი) — დეტალები SAY.GE-ზე
ასევე წაიკითხეთ
გიორგი შარაშიძე - „ოცნებას“ დაწყებული აქვს მისთვის კომფორტული და მართული ოპოზიციური პარტიების, ზოგის დაფუძნების და უკვე დაფუძნებულის მხარდაჭერის პროცესი - ეს არის დიქტატურის გაფორმება შენიღბული დემოკრატიული ფასადით
გიორგი გაბუნია საარჩევნო კოდექსში შესატან ცვლილებებზე: შემოსულია პაკეტი, რომელიც უკეთესად მოაწესრიგებს საარჩევნო პროცესთან დაკავშირებულ მთელ რიგ ტექნიკურ საკითხებს, რაც ჩვენი ქვეყნისთვის მნიშვნელოვანია
