Global Tech Weekend: 5 დეკემბერს პანორამულ ბორბალზე იდეების წარსადგენად სტარტაპებისა და ინვესტორებისთვის განაცხადების მიღება დაიწყო

Global Tech Weekend 5 დეკემბერს, Mtatsminda Hall-ში, Global Tech Weekend 2027-ის ოფიციალური გახსნის ღონისძიებას გამართავს. ღონისძიების ფარგლებში, „Pitch in a Ferris Wheel“ სესიაში მონაწილეობისთვის განაცხადების მიღება ოფიციალურად დაიწყო. სტარტაპები საკუთარ იდეებს საერთაშორისო ინვესტორებს მთაწმინდის პანორამული ბორბლის კაბინებში წარუდგენენ. განაცხადის შეტანა შეუძლიათ როგორც ქართველ, ასევე საერთაშორისო სტარტაპებსა და ინვესტორებს.

6 წუთი, ერთი ბრუნი, ერთი შანსი

ისტორიაში პირველად, მთაწმინდის პანორამული ბორბალი მთლიანად სტარტაპებსა და ინვესტორებს დაეთმობა. თითოეულ დამფუძნებელს სტარტაპის წარსადგენად ბორბლის ერთი სრული ბრუნი, 6 წუთი ექნება. კაბინაში მხოლოდ დამფუძნებელი და ინვესტორები იქნებიან, სცენისა და აუდიტორიის გარეშე.

ყველა გამოსვლა პირდაპირ ეთერში გადაიცემა, ხოლო გამარჯვებული სტარტაპი იმავე საღამოს, დაჯილდოების ცერემონიაზე გამოვლინდება. ფორმატის მიზანი სტარტაპებისა და საერთაშორისო ინვესტორების დაკავშირება და გრძელვადიანი შედეგების შექმნაა.

ახალი შესაძლებლობა სტარტაპებისა და ინვესტორებისთვის

Global Tech Weekend იწვევს სტარტაპებს, რომლებიც საერთაშორისო ინვესტიციასა და ზრდას ეძებენ. შერჩეული დამფუძნებლები მიიღებენ შესაძლებლობას, პირისპირ შეხვდნენ Global Tech Weekend-ის გლობალური ქსელიდან სპეციალურად ჩამოსულ საერთაშორისო ინვესტორებს, დახურულ კაბინაში ექვს წუთიანი პრეზენტაცია წარადგინონ და გამარჯვებისა და ინვესტიციის მოზიდვის შანსი მოიპოვონ.

ეს საინტერესო შესაძლებლობაა ინვესტორებისთვისაც, რათა ტრადიციული ბიზნეს შეხვედრების ჩარჩოებს მიღმა, პანორამული ბორბლის კაბინაში მოისმინონ ახალი იდეები. ფორმატი განკუთვნილია ვენჩურული ფონდების, ანგელოზი ინვესტორებისა და კორპორატიული ინვესტორებისთვის, რომლებიც ახალ ბაზრებსა და შესაძლებლობებს ეძებენ.

„ტექნოლოგიურ ეკოსისტემაში ბევრი საინტერესო სტარტაპია, რომელთა განვითარებისათვის ერთ-ერთი მნიშვნელოვანი წინაპირობა სწორ ინვესტორთან შეხვედრა, ინვესტიციის მოძიება და საერთაშორისო გაფართოვებაა. „Pitch in a Ferris Wheel“ სწორედ ამ შეხვედრისთვის შევქმენით: 6 წუთი, ერთი ბრუნი და პირდაპირი საუბარი დამფუძნებელსა და ინვესტორს შორის. ვიწვევთ სტარტაპებსა და ინვესტორებს, რათა ამ განსაკუთრებული ფორმატის ნაწილი გახდნენ“, - აცხადებს Global Tech Weekend-ის CEO მედეა ჯანჯღავა.

როგორ შევიტანოთ განაცხადი

განაცხადების მიღება უკვე დაიწყო. სააპლიკაციო ფორმების შევსება შეუძლიათ ყველა დაინტერესებულ სტარტაპსა და ინვესტორს.

• სტარტაპების სააპლიკაციო ფორმა: იხ. ბმული
• ინვესტორების სააპლიკაციო ფორმა: იხ. ბმული

Global Tech Weekend 2027-ის ოფიციალური გახსნა

Global Tech Weekend 2027-ის ოფიციალური გახსნის ღონისძიება 5 დეკემბერს, Mtatsminda Hall-ში გაიმართება. ღონისძიების ერთ-ერთი მთავარი აქტივობა პანორამულ ბორბალში სტარტაპებისა და ინვესტორების შეხვედრა იქნება. პროგრამა ასევე მოიცავს Global Tech Weekend 2027-ის ოფიციალურ პრეზენტაციას, მომავალი წლის გეგმებისა და თარიღების, ასევე სტრატეგიული პარტნიორობების დაანონსებას, ექსკლუზიურ ნეთვორქინგს, საერთაშორისო სტუმრებთან შეხვედრებსა და მუსიკალურ პროგრამას.

ორგანიზატორები წარადგენენ 2027 წლის ძირითად ინიციატივებს, კონცეფციას, და საერთაშორისო გაფართოების გეგმებს. ღონისძიება დახურულ ფორმატში ჩატარდება. დასწრება შესაძლებელი იქნება მხოლოდ წინასწარი რეგისტრაციით Global Tech Weekend-ის ოფიციალურ Luma-ს გვერდზე.

რეგისტრაცია: იხ. ბმული

Global Tech Weekend-ის შესახებ

Global Tech Weekend გლობალური ტექნოლოგიური მოძრაობაა. 2026 წელს მოძრაობა სან-ფრანცისკოში, ტაშკენტსა და თბილისში გაფართოვდა. Global Tech Weekend Tbilisi 2026-მა 10,000-ზე მეტი დამსწრე, 250-ზე მეტი სპიკერი, 300-ზე მეტი ინვესტორი, 150-ზე მეტი პარტნიორი და 12-ზე მეტი სექტორი გააერთიანა.

ვებგვერდი: https://gtwt.ge/

სოციალური ქსელები: Instagram, Facebook, LinkedIn

(R)