ჩინეთის ვიცე-პრეზიდენტი ხან ჭენგი საქართველოს ოფიციალური ვიზიტით ეწვევა

საქართველო 6-დან 8 ნოემბრის ჩათვლით მაღალი რანგის საერთაშორისო სტუმარს უმასპინძლებს. ოფიციალური ვიზიტით ქვეყანას ჩინეთის სახალხო რესპუბლიკის ვიცე-პრეზიდენტი, ხან ჭენგი ეწვევა.

ვიზიტის ფარგლებში, დაგეგმილია მნიშვნელოვანი შეხვედრები საქართველოს უმაღლეს პირებთან. ჩინეთის ვიცე-პრეზიდენტი მოლაპარაკებებს გამართავს საქართველოს პრეზიდენტ მიხეილ ყაველაშვილთან და პრემიერ-მინისტრ ირაკლი კობახიძესთან. მხარეები სავარაუდოდ განიხილავენ ორმხრივი ურთიერთობების გაღრმავების, ეკონომიკური თანამშრომლობისა და რეგიონული უსაფრთხოების საკითხებს.

ჩინეთის დელეგაციის პატივსაცემად, საქართველოს მთავრობის მეთაური ოფიციალურ ვახშამს გამართავს.