GAUS Crypto-მ Tbilisi Finance Summit-ის მონაწილეები ნეტვორკინგ-ლანჩზე გააერთიანა

30.10.2026 / 08:25

Tbilisi Finance Summit 2026-ის ფარგლებში, კომპანია GAUS Crypto-ს მხარდაჭერით, ფორუმის მონაწილეებისთვის ნეტვორკინგ-ლანჩი გაიმართა.

სამიტის ორგანიზატორები იყვნენ საქართველოს ეროვნული ბანკი და Global Finance & Technology Network (GFTN). ფორუმმა ფინანსური სექტორის, მარეგულირებელი ორგანოების, ტექნოლოგიური კომპანიებისა და საინვესტიციო საზოგადოების წარმომადგენლები შეკრიბა. გახსნაში მონაწილეობდნენ საქართველოს პრემიერ-მინისტრი ირაკლი კობახიძე, ეროვნული ბანკის პრეზიდენტი ნათია თურნავა და GFTN-ის მთავარი აღმასრულებელი დირექტორი სოპნენდუ მოჰანტი.

ნეტვორკინგ-ლანჩმა, რომლის პარტნიორიც GAUS Crypto იყო, ღონისძიების საქმიანი პროგრამა შეავსო და ინდუსტრიის წარმომადგენლებს უშუალო კომუნიკაციის სივრცე შეუქმნა. მონაწილეებს შესაძლებლობა მიეცათ, სამიტზე წამოჭრილი თემების განხილვა არაფორმალურ გარემოში გაეგრძელებინათ, გამოცდილება გაეზიარებინათ და საქმიანი კონტაქტები დაემყარებინათ.

GAUS Crypto-ს დირექტორის, ქეთევან ქიმბარიშვილის განცხადებით, ციფრული აქტივების ბაზრის განვითარება მჭიდროდ არის დაკავშირებული მის მონაწილეებს შორის ურთიერთთანამშრომლობის ხარისხთან.

„ციფრული აქტივების ბაზრის განვითარებისთვის მნიშვნელოვანია, რომ ბიზნესი, მარეგულირებლები და ტექნოლოგიური კომპანიები რეგულარულად უზიარებდნენ ერთმანეთს გამოცდილებას და განიხილავდნენ ინდუსტრიის აქტუალურ საკითხებს. სამიტი მონაწილეებს საშუალებას აძლევს, უკეთ გაიგონ ერთმანეთის პოზიციები და ერთობლივი მუშაობის მიმართულებები განსაზღვრონ“, — განაცხადა ქეთევან ქიმბარიშვილმა.

მისი თქმით, არაფორმალური კომუნიკაცია საქმიანი პროგრამის ფარგლებში გამართულ დისკუსიებს ავსებს და უშუალო კონტაქტების დამყარებას უწყობს ხელს.

„ნეტვორკინგ-ლანჩის მხარდაჭერით ვცდილობდით, მონაწილეებისთვის მიგვეცა შესაძლებლობა, დისკუსიები სესიების მიღმაც გაეგრძელებინათ, ერთმანეთი უკეთ გაეცნოთ და ახალი იდეების განსახორციელებლად პარტნიორები ეპოვათ“, — აღნიშნა ქიმბარიშვილმა.

Tbilisi Finance Summit-ში მონაწილეობამ GAUS Crypto-ს ახალი საქმიანი კონტაქტების დამყარებისა და ტრადიციული ფინანსური სექტორისა და ციფრული აქტივების ბაზრის წარმომადგენლებს შორის დიალოგის განვითარებაში წვლილის შეტანის შესაძლებლობა მისცა.

GAUS Crypto (https://taplink.cc/gauscrypto), საქართველოს ეროვნული ბანკის მიერ ლიცენზირებული კომპანია, თბილისში კრიპტოვალუტის გაცვლის მომსახურებას ახორციელებს და საქართველოში ციფრული ფინანსების სფეროში პარტნიორულ პროექტებსა და პროფესიულ ინიციატივებს უჭერს მხარს.

(R)