გომისმთა თოვლში ჩაეფლო: სეზონის პირველი მასშტაბური ნალექი გურიის მაღალმთიან კურორტზე
გურიის მაღალმთიან კურორტ გომისმთაზე სეზონის პირველი ინტენსიური თოვლი მოვიდა. შეიტყვეთ მეტი თოვლის საფარის სიმაღლისა და ამინდის პროგნოზის შესახებ.
გურიის მაღალმთიან კურორტ გომისმთაზე ზამთარი ადრე მოვიდა. წუხელ მთელი ღამის განმავლობაში ინტენსიურად თოვდა, რამაც რეგიონი ნამდვილ ზღაპრულ სურათად აქცია.
დილიდან ნალექი შეწყდა, თუმცა კურორტზე დაახლოებით ათ სანტიმეტრამდე სიმაღლის თოვლის საფარია. ეს მიმდინარე სეზონზე პირველი ასეთი მასშტაბური თოვლია, რომელმაც გომისმთა სრულად დაფარა.
ამჟამად ჰაერის ტემპერატურა დაბალია, ხეებიდან კი ნელ-ნელა ცვივა ფანტელები, რაც ზამთრის იდილიურ ატმოსფეროს ქმნის. ადგილობრივების ვარაუდით, სავარაუდოდ, ღამის განმავლობაში თოვლი კვლავ განახლდება, რაც თოვლის საფარს კიდევ უფრო გაზრდის. კურორტი უკვე მზადაა ზამთრის სეზონისთვის და სტუმრების მისაღებად.
SAY.GE · პირველი (გვარი) — დეტალები SAY.GE-ზე
