ობამა ტრამპზე: თეთრი სახლი პუტინის წინაშე მუხლს იყრის და უკრაინელებს ყიდის

ამერიკის შეერთებული შტატების ყოფილმა პრეზიდენტმა, ბარაკ ობამამ, დონალდ ტრამპის ადმინისტრაციის საგარეო და ეკონომიკური კურსი მკაცრად შეაფასა.

თავის განცხადებაში ობამამ ხაზგასმით აღნიშნა, რომ ტრამპის თეთრი სახლი „მუხლს იყრის რუსეთის პრეზიდენტის, ვლადიმირ პუტინის წინაშე“ და ამავდროულად, „ყიდის უკრაინელ ხალხს, რომლებიც საკუთარი თავისუფლებისა და დემოკრატიული ღირებულებებისთვის იბრძვიან“.

ეკონომიკის მიმართულებით, ექსპრეზიდენტმა ხაზი გაუსვა, რომ დონალდ ტრამპმა ვერ შეასრულა ის დაპირებები, რომლებიც თეთრ სახლში დაბრუნებამდე გასცა, რამაც ამერიკელი მოქალაქეების მოლოდინები გააცრუა.