ნიჟნი ნოვგოროდში უკრაინული დრონები ნავთობის ქარხანას დაესხნენ თავს - Batumelebi

რუსეთში, ნიჟნი ნოვგოროდში უკრაინული დრონები ნავთობის ქარხანას დაესხნენ თავს.

უკრაინული და რუსული ტელეგრამ-არხები ადგილობრივ მოსახლეობაზე დაყრდნობით წერენ, რომ დრონების დარტყმის სამიზნე კომპანია „ლუკოილის“ ქსტოვსკის ნავთობგადამამუშავებელი ქარხანა იყო.

ნიჟნი ნოვგოროდის მერის ცნობით, დრონების შეტევის შედეგად დაზიანდა კომუნალური ინფრასტრუქტურაც და ქალაქის ზოგიერთ უბანში გათბობისა და ელექტროენერგიის პრობლემაა.

პირველადი ინფორმაციით, დარტყმას მსხვერპლი არ მოჰყოლია.

ასევე, ნიჟნი ნოვგოროდის რეგიონის გუბერნატორმა განაცხადა, რომ ქსტოვოს რაიონში მდებარე ქარხანამ „მნიშვნელოვანი ზიანი“ მიიღო.

ნავთობის ქარხანა ნიჟნი ნორვგოროდში არაერთხელ გახდა უკრაინული დრონების სამიზნე.