კრიშტიანუ რონალდუმ სანაკრებო კარიერა დაასრულა

ფოტო: PRESSE SPORTS

41 წლის ასაკში, ფეხბურთის პორტუგალიელმა ვარსკვლავმა, კრიშტიანუ რონალდუმ, სანაკრებო კარიერა დაასრულა. აღნიშნულთან დაკავშირებით ფეხბურთელმა საზოგადოებისთვის მიმართვა გაავრცელა.

„ეროვნულ ნაკრებში გატარებული მთელი ჩემი კარიერის განმავლობაში ყოველთვის ვცდილობდი, საკუთარ შესაძლებლობებს გავცდენოდი. მინდოდა გამარჯვება, მინდოდა საუკეთესო ვყოფილიყავი, მინდოდა ისტორია შემექმნა.

საკუთარი თავის მიმართ ყოველთვის მომთხოვნი ვიყავი. ყოველთვის მეტი მინდოდა. ყოველთვის მჯეროდა, რომ უფრო შორს წასვლა შეგვეძლო და ამ მაისურისთვის ყველაფერი გავიღე, რაც შემეძლო.

იყო იდეალური დღეები და საღამოები. იყო გამარჯვებები, რომლებსაც არასდროს დავივიწყებ. იყო მარცხებიც, რომელთა გახსენებაც დღესაც მტკივნეულია.

მეც დავმარცხებულვარ. მეც განმიცდია ტკივილი. ყოფილა მომენტები, როდესაც პორტუგალიელ ხალხს იმას ვერ ვაძლევდი, რაც მათ ასე ძალიან სურდათ. მაგრამ არასდროს დავნებებულვარ.

და რაც მთავარია, არასდროს დამიკარგავს სიამაყის განცდა იმის გამო, რომ პორტუგალიას წარმოვადგენდი.“ – აღნიშნავს რონალდუ მიმართვაში.

კრიშტიანუ რონალდუს ანგარიშზე, ნაკრების მაისურით ჩატარებულ 234 მატჩში, 146 გოლია. რონალდუმ პორტუგალიის ნაკრებთან ერთად ევროპის ჩემპიონატი მოიგო და ერთა ლიგის თასს ორჯერ დაეუფლა.

აღსანიშნავია, რომ რონალდუ პირველი ფეხბურთელია, რომელმაც მილიარდერის სტატუსი მოიპოვა. ამერიკული Forbes-ის შეფასებით, ამჟამად მისი ქონება 1.2 მილიარდ დოლარს შეადგენს. ის ამავე დროს ყველაზე მაღალშემოსავლიანი სპორტსმენია – 2026-27 წლების სეზონში 300 მილიონი დოლარის შემოსავალი მიიღო.