მედიაკოალიცია: ბერას საჩივარი „ოცნების“ მხრიდან დამოუკიდებელი მედიის წინააღმდეგ მიმართული სისტემური ზეწოლის პოლიტიკის გაგრძელება
პუბლიკა - ინფორმირებული არჩევანისათვის
მედიის ადვოკატირების კოალიციის შეფასებით, „ფორმულასა“ და „TV პირველის“ წინააღმდეგ ბერა ივანიშვილის საჩივრები ბიძინა ივანიშვილის და „ქართული ოცნების“ მხრიდან დამოუკიდებელი მედიის წინააღმდეგ მიმართული სისტემური ზეწოლის პოლიტიკის გაგრძელებაა.
მედიაკოალიციის განცხადებით, საჩივრები თავისი არსით აშკარად ატარებს სამოქალაქო ჩართულობის წინააღმდეგ სტრატეგიული სარჩელების (SLAPP) ხასიათს და მათი გამოყენება არ ემსახურება რეპუტაციის დაცვის ლეგიტიმურ მიზნებს, პირიქით, ეს არის ბიძინა ივანიშვილის ოჯახის მიერ სახელმწიფო უწყებებზე, მათ შორის სასამართლოზე, საკუთარი ზეგავლენის გამოყენება დამოუკიდებელი მედიის გასაჩუმებლად.
„მსგავსი დავები იქცევა ცენზურის დაწესების, საზოგადოებისთვის მნიშვნელოვანი გამოძიებებისა და ინფორმაციის მიწოდების შეზღუდვის იარაღად“, – წერია განცხადებაში.
კოალიცია სოლიდარობას უცხადებს ორივე ტელევიზიას და ყველა დამოუკიდებელ ჟურნალისტს, რომელიც აგრძელებს პროფესიული მოვალეობის შესრულებას.
„თავისუფალი მედია არის დემოკრატიული სახელმწიფოს მთავარი საყრდენი და ვერანაირი შანტაჟი თუ სარჩელი ვერ აიძულებს მათ, შეწყვიტონ სიმართლის თქმა და საზოგადოების ინფორმირება“, – წერს კოალიცია.
3 ნოემბერს ბერა ივანიშვილის ადვოკატმა, დავით ასათიანმა „ტვ პირველისა“ და „ფორმულას“ წინააღმდეგ თბილისის საქალაქო სასამართლოში სარჩელი შეიტანა.
ივანიშვილი ტელეკომპანიებისგან მის წინააღმდეგ გავრცელებული ინფორმაციის უარყოფას მოითხოვს.
SAY.GE · დამოუკიდებელი (სიტყვა) — დეტალები SAY.GE-ზე
ასევე წაიკითხეთ
British Airways მზიან ქვეყნებში მოგზაურობას გუბეების ანარეკლებით გვთავაზობს | Marketer
ფორმულას ჟურნალისტი - ნიუსრუმში ახლა 22 ადამიანი ვართ, სახანძრო-სამაშველო სამსახურის თანამშრომლები მოვიდნენ და გვითხრეს, რომ ადგილზე დავრჩეთ, რადგან აქ ვართ ყველაზე უსაფრთხოდ - ძლიერი კვამლია ყველა მხრიდან
