მუნიციპალიტეტების აუდიტი: 13 შემთხვევაში სავარაუდო დანაშაულის ნიშნები გამოვლინდა

სახელმწიფო აუდიტის სამსახურის მიერ საქართველოს მუნიციპალიტეტებში ჩატარებული შემოწმებების შედეგად, 30 აუდიტიდან 13 შემთხვევაში სავარაუდო დანაშაულის ნიშნები გამოვლინდა. ეს ინფორმაცია პარლამენტის წევრის, სოფო ხორგუანის მიერ დასმული სადეპუტატო კითხვის საპასუხოდ გახდა ცნობილი.

როგორც აუდიტის სამსახურის მიერ მომზადებულ პასუხშია აღნიშნული, 2024 წლის 1-ლი იანვრიდან ჩატარებული აუდიტების საფუძველზე, 30 შესაბამისობის ანგარიში მომზადდა. ამ ანგარიშებიდან 13-ში დაფიქსირებული სავარაუდო დანაშაულის ნიშნების შემცველი გარემოებები რეაგირების მიზნით საქართველოს გენერალურ პროკურატურას გადაეგზავნა.

სახელმწიფო აუდიტის სამსახურის მონაცემებით, ყველა აღნიშნულ ფაქტზე გამოძიება უკვე დაწყებულია.

აუდიტის სამსახურმა ასევე წარმოადგინა იმ მუნიციპალიტეტების ჩამონათვალი, სადაც დარღვევები გამოვლინდა, ასევე პროკურატურისთვის ანგარიშების გადაგზავნის თარიღები:

• ხულოს მუნიციპალიტეტის 2024-2025 წლების საქმიანობის აუდიტი – ანგარიშის გადაგზავნის თარიღი: 2026 წლის 29 ოქტომბერი;
• შუახევის მუნიციპალიტეტის 2024-2025 წლების საქმიანობის აუდიტი – ანგარიშის გადაგზავნის თარიღი: 2026 წლის 29 ოქტომბერი;
• ქედის მუნიციპალიტეტის 2024-2025 წლების საქმიანობის აუდიტი – ანგარიშის გადაგზავნის თარიღი: 2026 წლის 29 ოქტომბერი;
• ხელვაჩაურის მუნიციპალიტეტის 2023-2024 წლების საქმიანობის აუდიტი – ანგარიშის გადაგზავნის თარიღი: 2026 წლის 6 ივლისი;
• ქობულეთის მუნიციპალიტეტის 2023-2024 წლების საქმიანობის აუდიტი – ანგარიშის გადაგზავნის თარიღი: 2026 წლის 6 ივლისი;
• შუახევის მუნიციპალიტეტის 2022-2023 წლების საქმიანობის აუდიტი – ანგარიშის გადაგზავნის თარიღი: 2024 წლის 3 დეკემბერი;
• ქედის მუნიციპალიტეტის 2022-2023 წლების საქმიანობის აუდიტი – ანგარიშის გადაგზავნის თარიღი: 2024 წლის 3 დეკემბერი;
• ხობის მუნიციპალიტეტის 2023-2024 წლების საქმიანობის აუდიტი – ანგარიშის გადაგზავნის თარიღი: 2026 წლის 6 ივლისი;
• ქუთაისის მუნიციპალიტეტის 2023-2024 წლების საქმიანობის აუდიტი – ანგარიშის გადაგზავნის თარიღი: 2026 წლის 6 ივლისი;
• თელავის მუნიციპალიტეტის 2023-2024 წლების საქმიანობის აუდიტი – ანგარიშის გადაგზავნის თარიღი: 2026 წლის 6 ივლისი;
• გორის მუნიციპალიტეტის 2023-2024 წლების საქმიანობის აუდიტი – ანგარიშის გადაგზავნის თარიღი: 2026 წლის 6 ივლისი;
• ბოლნისის მუნიციპალიტეტის 2023-2024 წლების საქმიანობის აუდიტი – ანგარიშის გადაგზავნის თარიღი: 2026 წლის 6 ივლისი;
• მუნიციპალიტეტების 2022-2023 წლების საბიუჯეტო პროცესის მართვის შესაბამისობის აუდიტი – პროკურატურაში ანგარიში არ გადაგზავნილა, თუმცა საკითხი საგამოძიებო უწყებას 2024 წლის 25 აპრილს გადაეგზავნა.