აკაკი მაისურაძე რაჭა-ლეჩხუმისა და ქვემო სვანეთის პოლიციის დირექტორად დაინიშნა

გურიის პოლიციის დეპარტამენტის დირექტორის ყოფილი მოადგილე, აკაკი მაისურაძე, რაჭა-ლეჩხუმისა და ქვემო სვანეთის პოლიციის დეპარტამენტის ხელმძღვანელის პოსტს დაიკავებს.

შინაგან საქმეთა სამინისტროს ინფორმაციით, რონი მესხმა, უწყების მინისტრის პირველმა მოადგილემ, რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებს ახლად დანიშნული დირექტორი, აკაკი მაისურაძე, ოფიციალურად წარუდგინა.

რონი მესხმა ახალ ხელმძღვანელს თანამდებობაზე დანიშვნა მიულოცა და სამსახურებრივ საქმიანობაში წარმატებები უსურვა.

აღსანიშნავია, რომ აკაკი მაისურაძე ამ დანიშვნამდე გურიის პოლიციის დეპარტამენტის დირექტორის მოადგილის თანამდებობას იკავებდა. მას შინაგან საქმეთა სამინისტროში ხელმძღვანელ პოზიციებზე მუშაობის მრავალწლიანი გამოცდილება აქვს.