ნიკა გვარამია: „ქართული ოცნების“ სტანდარტებით, თავად მმართველი პარტია უნდა აიკრძალოს

„კოალიცია ცვლილებისთვის“ წარმომადგენელმა, ნიკა გვარამიამ საკონსტიტუციო სასამართლოში მკაფიო განცხადება გააკეთა. მისი თქმით, იმ კრიტერიუმების თანახმად, რომლებსაც მმართველი გუნდი პარტიების აკრძალვისთვის გვთავაზობს, სწორედ „ქართული ოცნება“ უნდა გამოცხადდეს ასაკრძალ პარტიად.

გვარამია განმარტავს, რომ „ქართული ოცნების“ მიერ დადგენილი სტანდარტები ბევრად უფრო ზუსტად აღწერს იმ მმართველ ძალას, რომელიც, მისი შეფასებით, ცვლის ქვეყნის კონსტიტუციურ კურსს, დევნის ოპოზიციას და ძალადობრივად შლის საპროტესტო აქციებს, ვიდრე თავად ოპოზიციურ პარტიებს.

„თუ ნორმას ისე განვმარტავთ, როგორც ამას „ქართული ოცნება“ აკეთებს, პლურალისტური წესრიგის დამრღვევი ავტომატურად კონსტიტუციური წესრიგის დამრღვევად ჩაითვლება. პარტიის აკრძალვით კი ამომრჩევლებს საარჩევნო უფლება ეზღუდებათ. როდესაც პოლიტიკური ცვლილებების ყველა გზა ჩახერგილია, ეს, ფიზიკის კანონის თანახმად, აფეთქებას იწვევს“, — განაცხადა ნიკა გვარამიამ საკონსტიტუციო სასამართლოში.