კანადის მთავრობა - კანადა ევროკავშირის პირველი ასოცირებული წევრი გახდება

30.10.2026 / 23:55

კანადის მთავრობა - კანადა ევროკავშირის პირველი ასოცირებული წევრი გახდება

კანადა ევროკავშირის პირველი ასოცირებული წევრი გახდება. ამის შესახებ კანადის მთავრობის განცხადებაშია ნათქვამი, რომელიც 29-30 ოქტომბრის ევროკავშირი-კანადის სამიტის შემდეგ გამოქვეყნდა.

განცხადებაში აღნიშნულია, რომ კანადის პრემიერ- მინისტრმა მაკრ კარნიმ, ევროპული საბჭოს პრეზიდენტმა ანტონიო კოშტამ და ევროკომისიის პრეზიდენტმა ურსულა ფონ დერ ლაიენმა „ალიანსი მომავლისთვის” ჩამოაყალიბეს - ახალი პარტნიორობა, რომელიც ეფექტიანად გამოიყენებს კანადის, ევროკავშირისა და მსგავსი ღირებულებების მქონე სხვა ქვეყნების სტრატეგიულ შესაძლებლობებს საერთო გამოწვევების დასაძლევად.

„პარალელურად, კანადა და ევროკავშირი მუშაობენ რაც შეიძლება ღრმა პარტნიორობისკენ - გაწევრიანების გარდა - და კანადა გახდება ევროკავშირის პირველი ასოცირებული წევრი. მომდევნო თვეების განმავლობაში კანადა და ევროკავშირი განსაზღვრავენ წევრობის ამ ფორმის არსს, მასშტაბსა და ჩარჩოს", - ნათქვამია განცხადებაში.