კობახიძე აზერბაიჯანის პრემიერს სიღნაღში შეხვდა

30.10.202630.10.2026

ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

საქართველოს პრემიერ-მინისტრ ირაკლი კობახიძესა და აზერბაიჯანის პრემიერ-მინისტრ ალი ასადოვს შორის სიღნაღში პირისპირ შეხვედრა გაიმართა. ინფორმაციას აზერბაიჯანული სააგენტო APA აზერბაიჯანის მინისტრთა კაბინეტის პრესსამსახურზე დაყრდნობით ავრცელებს.

სააგენტოს ცნობით, კობახიძემ და ასადოვმა საქართველოსა და აზერბაიჯანს შორის სტრატეგიული პარტნიორობის სხვადასხვა საკითხი, ორმხრივი დღის წესრიგის აქტუალური თემები და თანამშრომლობის შემდგომი განვითარების პერსპექტივები განიხილეს.

პირისპირ შეხვედრის შემდეგ საქართველოსა და აზერბაიჯანს შორის ეკონომიკური თანამშრომლობის ერთობლივი მთავრობათაშორისი კომისიის მე-11 სხდომა დაიწყება.

ალი ასადოვი, აზერბაიჯანის მთავრობის სხვა წევრებთან ერთად საქართველოში სამუშაო ვიზიტით 29 ოქტომბერს ჩამოვიდა.