ფრიდრიხ მერცი - თუ დონალდ ტრამპი „დიდი ოცეულის“ სამიტზე პუტინს მიიწვევს, მაშინ იქ ვოლოდიმირ ზელენსკიც უნდა იყოს
თუ დონალდ ტრამპი „დიდი ოცეულის“ სამიტზე პუტინს მიიწვევს, მაშინ იქ ვოლოდიმირ ზელენსკიც უნდა იყოს, - ამის
03.11.2026 / 22:29
ფრიდრიხ მერცი - თუ დონალდ ტრამპი „დიდი ოცეულის“ სამიტზე პუტინს მიიწვევს, მაშინ იქ ვოლოდიმირ ზელენსკიც უნდა იყოს
თუ დონალდ ტრამპი „დიდი ოცეულის“ სამიტზე პუტინს მიიწვევს, მაშინ იქ ვოლოდიმირ ზელენსკიც უნდა იყოს, - ამის შესახებ გერმანიის კანცლერმა ფრიდრიხ მერცმა ბერლინში, უკრაინის პრეზიდენტ ვოლოდიმირ ზელენსკისთან ერთად გამართულ პრესკონფერენციაზე განაცხადა.
ფრიდრიხ მერცის განცხადებით, სამიტის მასპინძელი გადაწყვეტს, თუ რომელი ლიდერები მიიწვიოს.
„თუ პრეზიდენტი ტრამპი რუსეთის პრეზიდენტის მიწვევას გადაწყვეტს, მაშინ უკრაინაზე უნდა ვისაუბროთ. ხოლო თუ უკრაინაზე უნდა ვისაუბროთ, მაშინ უკრაინის პრეზიდენტი მოლაპარაკებების მაგიდასთან უნდა იყოს“, - აღნიშნა გერმანიის კანცლერმა.
მისი თქმით, „თუ უკრაინა მოლაპარაკებების მაგიდასთან იქნება, მაშინ ევროპაც იქ იქნება“.
ცნობისთვის, „დიდი ოცეულის“ ლიდერების სამიტი მაიამიში, 14-15 დეკემბერს გაიმართება.
ასევე წაიკითხეთ
რიკარდ იოზვიაკი ევროკომისიის ანგარიშზე - საქართველოს ხელისუფლებას არ გადაუდგამს ნაბიჯები პრობლემების აღმოსაფხვრელად, რამაც დიპლომატიური პასპორტების მფლობელებისთვის უვიზო მიმოსვლის შეჩერება გამოიწვია, რაც ზოგადად უვიზო მიმოსვლას საფრთხის ქვეშ აყენებს
რა ელის „ექსპო ჯორჯიას“ - შენარჩუნება თუ გარდაქმნა?
